Job 32

mJob 1:55

Elihu

1 Ama kimuhna ah Job thumaan kisa ahi manin hih mi thumte in a dawng nawn kei uh hi. 2 Ahi hangin Job amah le amah Pasian sangin a kithutan’sak zawkna hangin Ram-te innkuan a Buz mi Barakel’ tapa Elihu Job tungah a heh mahmah hi. 3 A lawmte thum tungah zong a heh hi, bang hang hiam cih leh amaute in Job a dawn kik nading uh thei lo napi-in amah ^{▼▼32.3 Masoretic Bupi; tanglai laigelh ngeina ah tua bangin Pasian kimawhpaih} a mawhpaih teitei uh hi. 4 Tu-in Elihu in amaute amah sangin upazaw uh ahi manin a mai-a paupaute a ngak hi. 5 Ahi hangin tua mi thumte in a gen ding uh a theih nawn loh uh a muh ciangin a heh suak hi. ^b

6 Tua ciangin Buz-mi Barakel’ tapa Elihu in:

“Kei ka kum tawm lai-a
note na khangham ta uh hi; ^c
tua hangin ka lauthawng a,
ka theihna note lakah ka gen ngam kei hi.
7 Ken, ‘Khanghamna in thu genin;
upat-zawkna in pilna hilh hi,’ ci-in ka ngaihsun ding hi. ^d
8 Ahi hangin mihing khat sunga om kha ^{▼▼32.8 Ahikeh Kha tg.18 ah zong},
a Thahatpenpa’ huu in theihtelna a pia ahi hi. ^f
9 A upate ^{▼▼32.9 Ahikeh tampi; ahikeh lianpi} bek a pil hi lo a, ^h
thumaan a theitel, khanghamte bek hi lo hi. ⁱ
10 “Tua ahi manin, ‘Ka thugen na ngai dih un,’ kong ci hi; ^j
kei zong ka theih kong gen ding hi. ^k
11 Na paupau laitakun kong ngak a,
gen ding na zonzon lai-un
na cihnopna uh
12 limtakin ka na ngai gige hi.
Ahi hangin note khat beek in Job na mawhmat zo kei uh hi;
khat beek in hong selna na dawng thei kei uh hi.
13 ‘Pilna mu zo ung’, ^l
mihing hi lo, ‘Pasian in amah dawng hen,’ ci kei un. ^m
14 Ahi hangin Job in kei langah thu khung lo hi,
no kiselnate tawh ka dawng kei ding hi.
15 “Amaute gen ding mel thei loin khawl uh hi;
amaute in lel uh hi.
16 Amaute hong dawng loin dai dinmawk ta uh hi;
ke’n ngakngak ding ka hi hiam?
17 Kei zong gen ding ka nei hi,
kei zong ka theih kong gen ding hi.
18 Gen ding tampi ka nei a,
ka sunga kha in lah hong sawl teitei hi; ⁿ
19 ka sungah a ki-umcip zu-umna thawl ka banga,
zu-umna savun-um thak a kiphukham dektak ka bang hi. ^o
20 Ka kitap loh nadingin ka genkhiat kul ta hi;
ka kam ka-in kong dawn kul ta hi. ^p
21 Ka thugenna ah guptuam paihtuam ka nei kei dinga; ^q
kuamah ka maitang phat kei ding hi.
22 ahang in, phatdan siam leng
kei hong Bawlpa in kei hong lakhiamang pah ding hi. ^r